प्रेरणा :- एक मराठी ब्लॉग

एका शहरात एक आजी संत्री विकायला बसायची. एक दिवस तिच्या जवळ एक तरूण आला साधारण ३० एक वयाचा.. त्याने आजीला विचारले,"आजी संत्री कशी दिली ग?" आजीने भाव सांगितला.. त्याने २ किलो संत्री विकत घेतली आणि त्यातल एक संत्र सोलुन एक फोड खाऊन तो तरुण आजीला म्हणाला,"आजी हे संत्र गोड आहे का बघा हो जरा?" आजीने हात पुढे करत संत्र हातात घेऊन एक फोड खाल्ली. आणी म्हणाली "लेकरा गोडच हाय की" तो हसत हसत आजीच्या हातातील ते संत्र न घेताच निघून गेला. असच दुसरया दिवशीही तो आपल्या पत्नीला बरोबर घेऊन आला. त्या दिवशी ही त्याने संत्र्याची एक फोड खात संत्र गोड आहे का विचारत आजीच्या हातात संत्र देऊन हसत हसत घरी गेला. असे बरेच दिवस निघून गेले. आजीच्या शेजारची एक भाजीवाली व त्या तरूणाची पत्नी हे रोज पाहत असे. एक दिवस त्याच्या पत्नीने विचारले,"तु असा रोज वजन झाल्यावर आजीला एक संत्र का देतोस आणि ते ही अर्ध खाऊन" तो तरुण आपल्या पत्नीला म्हणाला,"अग वेडे आजी रोज ही संत्री विकते पण ती स्वतः कधीच  ही संत्री खात नाही, कारण तिला २ रूपये कमी मिळतील. मी तिला रोज एक संत्र खायला घालून माझ