◼️ कविता :- मी कुणाला कळलो नाही | ✍️सुरेश भट ...
मी कुणाला कळलो नाही
---------------------------------------
मित्र कोण आणि शत्रू कोण
गणित साधे कळले नाही..
नाही भेटला कोण असा
ज्याने मला छळले नाही...
सुगंध सारा वाटीत गेलो
मी कधीच दरवळलो नाही..
ऋतू नाही असा कोणता
ज्यात मी होरपळलो नाही..
केला सामना वादळाशी
त्याच्या पासून पळालो नाही..
सामोरा गेलो संकटाना
त्यांना पाहून वळलो नाही..
पचऊन टाकले दु:ख सारे
कधीच मी हळहळलो नाही..
आले जीवनी सुख जरी
कधीच मी हुरळलो नाही..
कधी ना सोडली कास सत्याची
खोट्यात कधीच मळलो नाही...
रुसून राहिले माझ्या अगदी जवळचेच पण
मी कुणाला कळलोच नाही...!
मी कुणाला कळलोच नाही...!
कवी : सुरेश भट
___________________________
कवी श्री सुरेश भट यांची एक अप्रतिम कविता वाचण्यात आली व मनाला खुप भावली म्हणून शेअर करीत आहे.
तुम्हाला आवडलं तर नक्की शेअर करा
Comments
Post a Comment
Did you like this blog