मुलांच्या परीक्षेच्या काळात पालकांसाठी टीप्स

✍ दहावी-बारावीच्या परीक्षा काही दिवसांवर येऊन ठेपल्या आहेत. परीक्षेच्या काळात मुलांसोबतच पालकांना देखील मोठ्या ताण-तणावाचा सामना करावा लागतो.

📍 या ताणतणावापासून सुटका मिळविण्यासाठी पालकांनी काही टिप्स वापरल्या तर मुलांना देखील अभ्यासात मदत मिळू शकते.

▪ परीक्षेच्या काळात मुलं तणावाखाली वावरत असतात, यावेळी त्यांचं खाण्यापिण्याकडे पूर्णतः दुर्लक्ष होते. त्यामुळे यावेळी पालकांनी त्यांच्या आहाराकडे लक्ष देणे गरजेचे ठरेल.

▪ अभ्यासाबाबत मुलांकडून काही चुका होत असतील तर, डोकं शांत ठेवून त्यांच्या चुकांचे निरसन करा. पॅनिक होऊन किंवा मुलांना रागावून त्यातून मुलांवरील अभ्यासाचा ताण आणखी वाढू शकतो.

▪ आपल्या मुलांची कोणत्याही बाबतीत दुसऱ्यासोबत तुलना करणे चुकीचे आहे. अशाप्रकारे तुलना केल्यास मुलांचा आत्मविश्वास कमी होतो. हे टाळावे

▪ परीक्षेच्या काळात आपल्या पाल्याला शक्यतो स्मार्टफोन पासून दूर ठेवा.

▪ मुलांसाठी सकारात्मक वातावरण तयार करा. मुले मनमोकळेपणाने जेवढा अभ्यास करतील, तेवढं त्यांच्या लक्षात राहणार आहे.

▪ सततच्या अभ्यासातून थोडा ब्रेक देखील मिळणं गरजेचं आहे. मुलांच्या बुद्धीला आराम मिळण्यासाठी थोडावेळ त्यांना आवडीची काम करू द्या. त्यांचा मूड फ्रेश झाल्यास पुन्हा ते नव्या जोमाने अभ्यासाला सुरुवात करतील.