हुंड्याचे भोग - हास्य कविता
*हुंड्याचे* *भोग*
माय म्हणे बापूचं, वय झालं लई
बापाले सुटली , माह्या लगनाची घाई ।
माह्या ओठावर नोयता , मिसरुडाचा पत्ता
पोरींच्या बापाईचा , याहाले लागला जत्था ।
पाहाले गेलो पोरगी , होती वजनानं भारी
मी होतो काराचं , थे त माह्या पक्षाही कारी ।
तोंडाले राकडं , अन् वटाले पेटकाभर लाली
चहा पोहे पाणी , यकाच वेळी घेऊन आली
बाप म्हणे पोरगी बाकी हाय , हुड्याचं बोला
चार बकऱ्या दोन भशी द्याहाले, सासरा तयार झाला ।
लगीन झालं यकदाचं , हुंडा भी आणला संग
चार दिसातच बायको , दाखवाले लागली रंग ।
दोही पाय जोडून , बसे पलंगावरी
अन् रोजीस उपडे , माही नाही आलेली मिशी ।
सड्या सारवणापास्नं काम , मले कराले लावे
म्हणे हुंडा घेतलास बापाकडनं ,
भशीकड बोट दावे ।
म्हणून म्हणतो राजेहो ,
हुंडा नोका घेऊ
माह्यासारख्या बायकोच्या,
लाथा नोका खाऊ ।
✍️ सुनिल पोटे दिघोरी , चंद्रपूर हल्ली मु. राजुरा
Comments
Post a Comment
Did you like this blog