बायको माझी... - हास्य कविता
स्पर्धेसाठी:- हास्य कविता
शीर्षक:- बायको माझी...
आधीचं तिचं सोज्वळ रूप
बघून वाटे जणू ती गुलाब,
पण नंतरचा भांडखोरपणा
पाहताच मला लागे जुलाब!
सुडौल जणू चवळीची शेंग
आधी जशी लागली रवीना,
आता वाढला कमरेचा घेर
आडवं वाढणं काही संपेना!
आधी वाटायचा मला तिचा
स्वभाव शांत आणि भोळा,
पण आता का सांगु दादा
दातओठ खात वटारते डोळा!
आधी मारायची नजरेने
आपल्या प्रेमाचा तीर,
पण आता भाऊ सतत
तिची चालू असते किरकिर!
आधी असायची फक्त
संसार आणि मुलांत व्यस्त,
पण आता सोशलमिडियावर
घालते मिनटामिनटाला गस्त!
आधी फोटो काढायचं म्हटलं
कि, हासून पदर घेई लाजत,
नि आता बाई काढते मटकत
वाकड्या तोंडाची सेल्फि नाचत!
कु. प्रतिक्षा (रूही)सदानंद कापगते.
साकोली, जिल्हा:- भंडारा
Comments
Post a Comment
Did you like this blog