लॉकडाऊन मधील गंमती जंमती - हास्य कविता
😜स्पर्धेसाठी विनोदी कविता😜
_________________________
शीर्षक- लॉकडाऊन मधील गंमती जंमती
_________________________
हल्ली घरी बसल्यापासून,
बायकोची सुरू झाली हुकुमशाही.
ती कोचवर बसून खा खा खाई,
मी मात्र बैलासारखा राबत राही.
चीनची बारीक डोळ्यांची कोरोना बाई,
बघा घेऊन आली मोठं विघ्न.
हातांना मेंदी ऐवजी हॅन्डवॉश लागे,
आता आमच्या नशिबी कुठे लग्न?
२४ तास गादीवर उभा आडवा लोळून,
आता नवीन गादी पार झिजली.
रात्रभर घुबडासम राहतो जागा,
आजूबाजूची सगळी मंडळी बोक्यासम निजली.
संचारबंदी कायदा मोडण्याचा,
ज्या महारथींना आला माज.
पोलिसदादांनी वेताच्या लाठीने,
त्यांची केली खूप चांगली मसाज.
पशुपक्ष्यांना बंदिस्त करणारा,
स्वतः घररुपी पिंजऱ्यात उंदारासम राहतो.
पशुपक्ष्यांना स्वतंत्रपणे बाहेर फिरतांना ,
खिडकीत बसून माकडापरी पाहतो.
तुम्ही हसण्यावारी घेऊ नका,
हा लॉकडाऊनचा काळ.
बांड्या नाकात कापूस येईल अन्
काळया गळ्यात फुलांची माळ.
✒️ श्री. संदीप विठ्ठल जगताप, ता. शहापूर, जि. ठाणे.
मो. नं. 9271684366
Comments
Post a Comment
Did you like this blog