विनोदी काव्य - हास्य कविता
स्पर्धेकरिता
हास्यविनोदी काव्य
-------------------
पळत पळत गेलो गावाला
नवरी मुलगी ती ठरवायला !
एक सोडून चार त्या मुली
प्रत्येकीचा अंदाज निराळा !१!
पहिली मुलगी अति सुंदर
काही तिला कळेना अंतर !
कमल नयनी असे कोमल
दृष्टी नसे दिसेना निरंतर !२!
दुसरी मुलगी फारच छान
अप्रतिम रूप लावी ध्यान !
बोलण्यास ती नाही तयार
न शिकल्याने दिसे अज्ञान !३!
तिसरी मुलगी लावण्यवती
सौंदर्य तिचे सारेच वर्णिती !
प्रश्न विचारता नाही उत्तर
कधीच नसे शब्द बोलती !४!
चौथी मुलगी फार गुणवती
रंग सावळा गाणे ती गाती !
आवडली म्हणतानाच कळे
स्वतःच्या पायाने चालेना ती !५!
मुलगी पाहण्याची हौस मोठी
कशी झाली ही फटफजिती !
मग ठरवले एकच त्यादिवशी
घाई ना करायची लग्नासाठी !६!
-------------------
-श्री.श्रीगणेश पुरूषोत्तम शेंडे.
मु.पो.भुईंज ता.वाई जि.सातारा.
भ्रमणध्वनी - 8605139140.
Comments
Post a Comment
Did you like this blog