◾संपूर्ण Youths ला प्रेरणा देणारा अनोखा उपक्रम महासंग्राम समुहामार्फत अनोख्या पद्धतीने ऑनलाईन वृक्षारोपण
महासंग्राम समुहामार्फत अनोख्या पद्धतीने ऑनलाईन वृक्षारोपण
______________________________________
ऑक्सीजनची कमतरता भासत चाललेली पाहून दिनांक 30 एप्रिल रोजी "महासंग्राम" समूहाचे स्थापक संग्राम संतोष सलगर ( INTERNATIONAL YOUTH LEADER ) ह्यांनी ऑनलाईन वृक्षारोपणाचा अनोखी उपक्रम त्यांच्या समूहाअंतर्गत राबविण्यात आला. हा उपक्रम तमाम जनतेमध्ये वृक्षारोपणाचा प्रचार करण्यासाठी होता. संग्राम संतोष सलगर यांनी केलेले निवेदन पुढीलप्रमाणे "आज दिनांक 30 एप्रिल रोजी "महासंग्राम" ग्रुप अंतर्गत एक अनोखा संकल्प करणार आहोत. कदाचित भविष्याच्या दृष्टीकोनातून हा आपल्या सर्वांच्या हिताचाच ठरू शकतो. आपल्या ग्रुपमध्ये खूप शिकलेले लोक आहेत, सर्वांचं सहकार्य लाभेल अशी आशा बाळगतो.
आजची परिस्थिती पाहता कोरोनाने पुन्हा तांडव घातलेला आहे. ऑक्सीजनची कमतरता भासत चाललेली आहे. आपण केलेल्या गैरकृतीची शिक्षा आपल्याला मिळालेली आहेच.
ह्या भूदलावर आपल्या समूहासारखे असे भरमसाठ असंख्य समूह आहेत. काही समूह स्वतःच उपक्रम राबवतात आणि स्वतःच प्रमाणपत्र देतात. त्यांचे विचार त्या ग्रुपपुरतेच मर्यादित राहतात. परंतु, महासंग्राम ग्रुप हा सर्वांच्या हक्काचा आहे. प्रतेकाच्या विचाराला ईथे किंमत आहे.
अनोखा संकल्प हा जरा अगळा-वेगळा आहे, थोडा कठीण आहे पण अशक्य नाही. आपल्या समूहात जवळपास ९० सदस्य आहेत. अजून काही जोडले जातील. असा संकल्प करायचा आहे की प्रत्येक सदस्याने कमीतकमी १० तरी झाडं लावण्याचा प्रयत्न करायचा आहे. आपण आपल्या घरामध्ये, परिसरात पण कोरोना विषाणूंचे पालन करून, सरकारच्या नियमांचे पालन करून लावायचे आहेत. जवळपास ९००+ झाडं आपण फक्त 2-3 दिवसात लावू शकतो. थोडं कठीण आहे पण अशक्य नाही. आता निसर्गासोबत स्वार्थी न बनता सारथी बनण्याची वेळ आलेली आहे.
जेवढं शक्य आहे तेवढी मदत करा. पर्यावरणाचा र्हास होण्याआधी आपण काही संकल्प करून, उपक्रम राबवून निसर्गाला मजबूत बनवायचं आहे. ह्या संकल्पाने नक्कीच आपल्याला भविष्यात फायदा होईल.
हा मेसेज इतरांपर्यंत पोहचवण्याचं काम हे आपल्या सर्वांचं आहे.
आपण वृक्षारोपणाचे फोटो समूहात टाकू शकता कदाचित आपल्यामुळे दुसर्यांनाही प्रेरणा मिळेल.
हा अनोखा संकल्प पूर्णत्वास घेऊन जाण्यासाठी मला तुमच्या मदतीची गरज आहे."
हा उपक्रम तब्बल तीन दिवस चालू असताना ह्या उपक्रमामध्ये दहावून अधिक अतिथी होते. ह्या उपक्रमासाठी सर्व अतिथींचं ऑनलाईनच मार्गदर्शन घेण्यात आलं. त्यातलेच काही अतिथी आणि त्यांचं मोलाचं मार्गदर्शन खालीलप्रमाणे
1) ॲड. सुजितकुमार थिटे सर ( संस्थापक अध्यक्ष- महाराष्ट्र पदवीधर संघटना, नाळ फाऊंडेशन, महाराष्ट्र ) ह्यांनी त्यांच्या परीसरात झाडे लावून युवकांना प्रेरीत करण्याचं काम केलं आहे. सरांनी मोहीमेची सुरूवात समूहामध्ये त्यांनी केलेल्या कार्याची छायाचित्रे पाठवून केली.
2) ॲड. सिध्देश्वर काशिद सरांनी पर्यावरणाच आणि कायद्याबद्दल माहीती देवून निसर्गाप्रती आपली जबाबदारी किती मोठी आहे हे सांगून सर्वांना प्रेरित केले.
3) साहेबराव पवार सर (शिक्षक, नाशिक) यांनी अत्यंत सुंदर अश्या शब्दात त्यांचं मत मांडलं आहे.
" प्रथमत: संग्राम दादाचं अभिनंदन आणि कौतुक सुध्दा !
अभिनंदन यासाठी की आजा महामारीचा काळ चालू आहे . जे कोरोना पेशंट आहाेत त्यांना दवाखान्य‍ामधील सक्त आॅक्सिजनची गरज आहे. ही दवाखान्यातील किती व्यक्ती असतील तर 135 कोटी लोकस्ख्येपैकी 5% लोक आॅक्सिजनसाठी तडफडताहेत.
मात्र
उर्वरित जी लोकसंख्या आहे त्यांना जर आॅक्सिजनची गरज भासली तर काय ?????
मात्र यावर संग्राम दादांनी सुचविल्याप्रमाणे आपण *एक झाड लावू मित्रा* या उक्ती प्रमाणे जर वृक्षारोपण झाले तर आॅक्सिजन साध्या माणसांनाच लागतं असं नाही . संपूर्ण जीवसृष्टी त्या आॅक्सिजनसाठी तडफडेल. यासाठी झाडंझुडूपं लावलीत तर निश्चितच निसर्गाचा समतोल ढासळणार नाही. आणि पर्यावरण वाचेल. माणसांसनवेत अनेक जीव जंतू जगतील.
कौतूक यासाठी की *मूर्ती लहान पण किर्ती महान* चांगल्याविचारांची संगत निश्चितच फायदेशीर ठरते. संग्राम दादांची कल्पना ही नावापुरतीच न राहता किंवा ते सांगताहेत म्हणून झाड लावायचं खरंतर तुम्ही जे समजायचं ते समजा . त्यांचा उद्देश एकच जीवसृष्टीला मुबलक प्राणवायू कसा मिळेल.
नाहीतर 135 कोटी लोकसंख्येतून शुन्य व्हायला काहीच वेळ लागणार नाही.
पुनश्च एकदा संग्राम दादांना शुभेच्छा !
अभिनंदन आणि कौतूक.
*झाडे लावू माझ्या बंधूभगिनींना देऊ प्राणवायू* "
4) आलीयागोहर मॅडम (शिक्षिका, धुळे) यांचंही मार्गदर्शन लाभलं. त्या म्हणतात खूप चांगला संकल्प आहे याबद्दल तुमचे मनापासून कौतुक. भविष्यात नक्कीच खूप हिताचा ठरेल. थोडं कठीण आहे पण सर्वांनी मिळून प्रयत्न करायला काही हरकत नाही.
तुमच्या निस्वा:र्थी विचाराला सलाम
5) शिंदे सर (शिक्षक, सोलापूर) म्हणाले अतिशय छान कल्पना सुचली आहे...... हे सहज शक्य आहे याच्याशिवाय आपल्याला आता पर्याय नाही मित्रांनो झाडे लावणे ही गोष्ट खूप सोपे आहे परंतु त्याचं संगोपन करणं हे अतिशय महत्त्वाची गोष्ट आहे आपण बघतो प्रत्येक वर्षी बऱ्याच संघटना येतात झाडे लावतात आणि त्याकडे नंतर ते पाहत सुद्धा नाहीत ते झाडे आले कि नाही हे सुद्धा बघत नाहीत आपण झाडे लावण्याबरोबरच त्याच्या संगोपनाची सुद्धा जबाबदारी घेतली पाहिजे सर्वांना शुभेच्छा. झाडांचं संगोपन करण्यासाठी त्यांना सर्वांना आव्हान केले.
6) नंदकुमार सर म्हणतात अतिशय स्तुत्य असा हा उपक्रम आहे. पर्यावरणाचे ढासळत चाललेले संतुलन व होणाऱा -हास पाहता प्रत्येकाने असा खारीचा वाटा उचलला तर नक्कीच याचा चांगला फायदा होऊन इतरही त्याचे अनुकरण करतील.
7) उमेश गायकवाड सर (शिक्षक) यांनी सर्वांना मोलाचं मार्गदर्शन केलं आहे ते म्हणतात, नक्कीच या समुहात बरेच बुद्धिजीवी, विज्ञानवादी लोक आहे हे मला माहिती आहे. त्याना मी मार्गदर्शन करण्यास सक्षम नाही किंबहुना ऐवढाही मोठा नाही पण कृतीतुन नक्कीच सांगु शकतो ऐवढा विश्वास आहे. आज ची परिस्थिती भयावह आहे. मी वृक्षारोपण कार्यक्रमा मध्ये विद्यार्थी नेहमी सांगायचं कि जगातील मानसांना पुरेल एवढे आँक्सीजन देनारी फँक्ट्री जगात कुठेच नाही ती फँक्ट्री म्हणजे आपली वृक्ष, जंगल आहे. ती वाचवली पाहीजे. हे माझे वाक्य आज ती सत्यात उतरलेले व प्रत्येक्षात पाहतो आहे. मी दोन वर्षा पुर्वी एक हजार झाडे विद्यार्थीना वाटली त्यातील 100 झाडे नक्कीच जगली व जगवली, फक्त सुरुवात करावी लागते स्वतःपासुन. तसे समुहातील प्रत्येकानी सुरवात केलीच आहे. आपण सुरु केलेल्या चांगल्या उपक्रमात मला सहभागी करुन घेवून मला अभीव्यक्त होता आले त्या बद्दल समुह प्रशासकाचे आभार व आपल्या सर्व वृक्षप्रेमीचे अभिनंदन
भविष्यात फुकटात भरपूर व मोफत आँक्सीजन, स्वच्छ हवा पाहिजे असेल तर प्रत्येकानी एक तरी झाड लावा व पुढच्या पिढीला निरोगी, सुजलां सुफलां पर्यावरण देण्याचा प्रयत्न करा. तसेच त्यांच्या छायाचित्रणातून सर्वजणच प्रेरित झाले.
8) अंकीत नेवसे (विद्यार्थी, सैनिकी शाळा, सोलापूर) ह्यानेही मोहीमेत सक्रिय सहभाग नोंदवला होता. त्यानेही ऑनलाईन पद्धतीने मार्गदर्शन केले. तो म्हणतो, वृक्षवल्ली आम्हा सोयरे वनचरे असे संत तुकारामांनी म्हटले आहे. निसर्ग आपला सखा, सोबती आहे. जीवनात जर मित्र , सखा, सोबती नसेल तर त्या जीवनाला अर्थ तर काय राहणार आहे. वृक्ष नसतील तर मनुष्य प्राणी सुद्धा पृथ्वीतलावर अस्तित्व राहणार नाही. आपल्या घरातील प्रत्येकाच्या वाढदिवसाच्या निमित्ताने एक वृक्ष लावला पाहिजे. आपण महासंग्राम या ग्रुपच्या माध्यमातून आपल्या जीवनामध्ये खारीचा वाटा उचलू यात. संग्रामनी जो विचार मांडलेला आहे तो अत्यंत स्तुत्य उपक्रम आहे. आम्ही देखील फेब्रुवारी महिन्यामध्ये तीन एकरामध्ये 1200 चंदन, 700 डाळिंब, 100 जांभूळ, नारळ, आंबा यांचे वृक्षारोपण केले आहे. जून मध्ये दोन एकरामध्ये झाडे लावण्याचा मानस आहे. ह्याचं वय जरी लहान असले तरी त्यांने निसर्गाप्रती कृतज्ञता व्यक्त केली आहे.
9) जनार्दन गोरे सर (कवी, औरंगाबाद) सांगतात आपला उपक्रम खूप छान आहे. वृक्षारोपण ही खरी काळाची गरज आहे ती आपण वृक्ष लागवड करून निसर्गाला अनोखी भेट देऊ शकतो. ज्याला शक्य होईल तेवढी झाडे लावली पाहिजे. जेणेकरून ऑक्सी जन कमतरता भासणार नाही. असे उपक्रम सतत राबविले गेले पाहिजे.
10) सागर चतुर सर (राज्यकर निरीक्षक) यांनी मोहीमेला सुरूवात करण्यासाठी मोलाचं काम केलं आहे.
11) गणेश आवताडे सरांनी छायाचित्रामार्फत युवकांना प्रेरीत करण्याचं काम केलं आहे.
तसेच परदेशातून इमरान फारूक (नायजेरीया) ह्यांनी देखील समूहात सहभाग घेतला आहे.
गेले तीन दिवस झाले जास्त प्रमाणात महासंग्राम समूहातील सदस्यांनी झाडे लावण्याचा प्रयत्न केला आहे. काहींनी छायाचित्रे पाठवून दुसर्यांना झाडे लावण्यासाठी प्रेरित केले आहे. काहींनी वृक्षारोपण प्रसारासाठी कवीता, लेख लिहेले आहेत. शेवटच्या दिवशी समुहाचे स्थापक संग्राम संतोष सलगर (INTERNATIONAL YOUTH LEADER) यांनी समुहाची संख्या पाहत 1500+ झाडांचा महासंग्राम समूहामार्फत संकल्प पुर्णत्त्वास घेवून जाण्यासाठी सर्वांना आवाहन तसेच शुभेच्छा दिल्या. मोहीमेचे आभार प्रदर्शन हे समुहाचे ॲडमीन श्रीधर नंदीवाले याने केले. त्यामध्ये त्याने म्हटले आहे, महासंग्राम ग्रुपच्या माध्यमातून आपण वृक्षारोपणाचे उपक्रम राबविले. सर्वप्रथम उपक्रमाचे मुख्य संकल्पक संग्राम सलगर यांचे मी आभार मानतो. राबविलेले संकल्प पूर्ण करण्यास आपण सर्वांनी सहकार्य केल्याबद्दल सर्वांचे आभार. या उपक्रमाच्या माध्यमातून काही विचारवंत शिक्षक तसेच वकील या सर्वांचे मोलाचे मार्गदर्शन आणि सहकार्य मिळाले त्याबद्दल त्यांचेही आभार. याच सोबत कवी, लेखक यांचेही मोलाचे सहकार्य मिळाल्याने त्यांचेही खूप खूप आभार. आपण सर्वांनी असेच सहकार्य केल्यास आम्ही असेच नवनवीन संकल्प समाज हितासाठी राबवत जाऊ. आपल्या सोबत काम करून खूप खूप आनंद झाला. पुन्हा एकदा आपल्या सर्वांचे खूप खूप आभार.
अखेरीस हा कार्यक्रम संपला असे ग्रुप तर्फे जाहीर करण्यात आले.
खरच आपणही असे विविध उपक्रम राबवावेत. आपल्यावर भयंकर अशी वेळ आलेली आहे. आता आपण निसर्गाप्रती स्वार्थी न बनता सारथी बनलं पाहीजे.
: संग्राम संतोष सलगर
( INTERNATIONAL YOUTH LEADER, लेखक, कवी )
Comments
Post a Comment
Did you like this blog