कविता : अहो गणराया...

 अहो गणराया...

आगमना तुमच्या गणराया

केली बघा आम्ही आरास,

पाहुणचारा तुमच्या

मोदकांचा नैवेद्य खास,

येणार तुम्ही म्हणून

पसरले सगळीकडे 

कसे मांगल्याचे वातावरण,

अहो गणराया तुम्हीही व्हाल खुश

पाहून भक्तांचे आचरण,

लाभेल भक्तांना आता

तुमचा सहवास,

आगमना तुमच्या गणराया

केली बघा आम्ही आरास,

कटी झळके पितांबर,

रूप तुमचे दिसे सुंदर,

दिसे नजरेत तुमच्या

भक्तांचा भक्तीचा हर्ष-उल्हास,

आगमना तुमच्या गणराया

केली बघा आम्ही आरास,

अहो रिध्दी-सिध्दी नायका,

विघ्नहर्ता, विनायका,

राहिली संसारी आता

तुमच्याच भेटीची आस,

आगमना तुमच्या गणराया

केली बघा आम्ही आरास.

                          मंगेश शिवलाल बरई.

                       हिरावाडी, पंचवटी, नाशिक ४२२००३.

गणेशोत्सवाच्या सर्वांना हार्दिक शुभेच्छा.👏👏👏