आठवण | मराठी कविता | मंगेश शिवलाल बरई

 'आठवण'

येता  मला कधीतरी,

तुझी सखे आठवण,

जीव माझा तळमळे,

जातो कोरडा श्रावण,

येता मला कधीतरी,

तुझी सखे आठवण,

स्वप्न ते पुन्हा आठवे,

 निशा हसे सुगरण,

येता मला कधीतरी,

तुझी सखे  आठवण,

माझे मलाच कळेना,

करी जीव वणवण,

येता मला कधीतरी,

तुझी सखे आठवण,

क्षण काही जीवनात,

राही थोडे दडपण,

येता मला कधीतरी,

तुझी सखे आठवण,

जातो विसरून मीच

माझे तन, मन, धन.

---

मंगेश शिवलाल बरई.

हिरावाडी, पंचवटी, नाशिक -४२२००३.